მასალები
წელის მიკროდისკექტომია ყვითელი იოგის (Ligamentum Flavum) შენარჩუნებით, როგორც ეპიდურული ფიბროზის პრევენციის საშუალება
შესავალი: ოპერაციის შემდგომი ნაწიბუროვანი ქსოვილის წარმოქმნა წელის მიკროდისკექტომიის წარუმატებლობის ერთ-ერთ ძირითად მიზეზს წარმოადგენს. ეპიდურული ფიბროზის განვითარების თავიდან ასაცილებლად რეკომენდებულია სხვადასხვა პრევენციული ღონისძიება, მათ შორის ცხიმოვანი ქსოვილის, ჰემოსტატიკური ღრუბლის, ამნიონური მემბრანისა და სხვადასხვა ანტინაწიბუროვანი ბარიერული მასალის გამოყენება რეზექციის ზონასა და ეპიდურულ სივრცეში, ასევე დრენაჟის გამოყენება.
ქირურგიული ტაქტიკის თვალსაზრისით, მიკროდისკექტომიის დროს ყვითელი იოგის — Ligamentum Flavum (LF) — შენარჩუნება რეკომენდებულია ფიბროზის განვითარების პრევენციის მიზნით.